Puisi : GULING TINGKI

Administrator Administrator

GULING TINGKI

Oleh : M.Tansiswo Siagian

nunga marsialusan sese

maila laos sumurut mangholip, sidumadang ari pe nunga maheu

sibalik hunik gabe sumisi

ida ma,

huta adung nunga lota idaon

disoluk na holom

nunga bot ari

tatap ma tarup ni ruma i

nunga lota

tailihon sopo nunga patu detem,

hira maheu idaon

mandele so marsumangot

Tailihon indadunang saulakna i

nunga disingkati sopo tadingtading ni ompuna na arga i,

disursari, marumpak

di surbu bahen pamurunan,

gabe orbuk so marlapatan

tung singkat ni ugan pe so diparar

Ohhh ale dongan

ndada boi hape manontong tung ugari ni ompunta i,

Ia tung pe deba marhoihoi padimun ugasan na arga i

alai di ujungna sirngom boti do disoluk na masa binoan ni tingki

marsingkat soring do ngolu

marsibolusan tingki

paima di ujungna guling ari i,

salpu saluhut.

ndada adong na hot manontong

Palipi, Sitorang-Toba 210921

Komentar
Berita Terkini