Habir-Habir

Administrator Administrator
Habir-Habir
IST|Pelita Batak
Ilustrasi

NIAN imbaru dope saroal pendek i. Alai goje pangihot na di gonting nunga lenduk, nunga maheu, ndang

dimpos be mangarahut.

Nang pe songon i sai tong do dipangke ibana saroal i. Ndang pola parduli ibana nang pe pellut-pellut, nang pe habir-habir. Lam tamba ma muse pellutna molo adong na disangkui ibana. Di sangku bariba dia na adong isina, disi ma na umpellut, disi ma na untelpang.

Antar na ringgas do ibana mula-ulaon. Jadi, asa unang tallus saroalna i tingki jongjong ibana, dipiu ibana ma otik gonting ni saroal i di pudi jala ditiop dohot tanganna sihambirang. Alai boha ma molo tingki manapu alaman? Tingki tanganna siamun maniop sapu jala tanganna sihambirang maniop sonduk-sonduk ni rompak? Ndang dope molo ingkon mamungkuk ibana laho manjomput rompak. Tuani ma mamangke kaus ruar ibana na mangalinggomi lobong manang ponggol na partoru ni tanggurungna.

Imada, dohot gurit-gurit na jempek on ndang na mangarehei manang na paoru-oruhon sasahalak ahu. Alana, ahu sandiri do parsaroal pendek na habir-habir i.

Panusunan Simanjuntak

Sawangan-Depok

03052022

Komentar
Berita Terkini