Puisi : Inong........

Administrator Administrator
Puisi : Inong........
Ilustrasi boru batak

Inong........

(By; M.Tansiswo' Siagian)

Na tarurak do ahu di punsu ni onan

So tarpaiduk upa ni gogo, manuhor sira laho padai ingkau,

Na tarurak do ahu so tarsungkehon paulak na sinali

Inong..........

tung boasa so tarpahusor sibaran na mandondon

humungkup soro ni ari na so marhosing

songon sorha na so targuling lalap mandele so tarpaorot

Inong.........

bagian aha do na so tarpasiding on

songon sambor ni nipi na lohot manggompang di ariari ni ngolu so mansohot

Inong......

aha do purba ni parsibaran lapalapa na so tartulak on

Inong........

aha do hangalanmu na so tartambari uju di tabutabum ahu ?

Inong......ia tariashon tu sinuanbeumon di parnipionhi.......

Inong.........asa hupapurpur bernit ni parsorionhi

Inong........alusi sinuanbeumon!!

Palipi, Sitorang; 160819.

Komentar
Berita Terkini