Puisi : Monacco Toba

Administrator Administrator
Puisi : Monacco Toba
royaltravelo

Palambok Pusupusu
MANACCO TOBA
*Oleh: Tansiswo Siagian

di haetehon ni damang
tagan haposoon ni daompung
tusam nungnga disuan
di dolok rahis ni huta nami
dingkan holbung topi ni huta
dingkan rura topi ni tao

di haetehonhu
ro sibahen Listrik di topi tao,
marnala-nala, marhillong,
arian borngin ndang marimbar be ninna Tano Batak?

di haposoonhu
tapanuli peta kemiskinanan
patusebut angka pandapot
ro....siallang hau
ro sigomak tusam ni ompung
bau alogo dohot hosa di Toba,
marsihosoman, patuntal
ingkon sabur mudar di Toba,
marbahir adat nang gareja

di haetehon ni anakhu
heap parihan di hurungan
diboan sibontar mata
bau aek ni Toba,
mago dohot hau haminjon
tombak ni Tele salassapon

di hatuaonku
di haposoon ni anakhu
di parsorang ni pahompuku
manacco....manacco
eh...Tao Toba MONACO
mulajadi na bolon
tuturi hami, ndang tung sogot
muse.......muse tarulahi angka
parir manghophop Tano Toba
Ndang tung gabe ijuk di para-para hotang di parlabian
so tung ro MANACCO TOBA?
#palambokpusupusu

Komentar
Berita Terkini