Partandang na Bitik

Oleh : Sampe L. Purba
Administrator Administrator
Partandang na Bitik
Ist
Sampe L Purba
Adong do sada boru ni Ama ni Panukkunan, margoar si Lastiar Christina Margareth. Biasa dijou si Lastri. Na burju do Si Lastiar on jala pargaul. Nang pe boru siampudan. Unduk marnatua tua. Uli rupana, lulusan Universitas Kenamaan jala toman pangalahona. Marsaor fleksibel tu berbagai kalangan. Bakatna pe disi do. Monang audisi lomba senandung lagu dan masakan tradisional daerah di sada acara tipi, ketua kontingen pemuda nasional tu event ni PBB, sekaligus duta muda di festival spring youth christianity camp baru baru ini di Pasadena, California. Jala diselang seling kesibukanna, host acara mingguan mode dan olahraga do ibana di salah satu jaringan TV berbayar.

 

Natua-tuana pe saor jala saur do marpangalaho. Targoar do nasangap, paradongan jala berjiwa sosial. Salah satu Pejabat Tinggi yg awet sejak zaman Orde Baru di lingkungan ring satu Merdeka Utara. 

 

Untuk mendukung pergaulan sosialna, adong do usaha keluarga nasida naung diwarisi sian amana, sejak masa ni Nippon. Kelompok usaha nasidai nunga go public, dual listing di BEJ nang di NYSE Amerika. Alai keluarga nasida hot pemegang saham pengendali. Si Panukkunan, abang ni si Lastri do CEO na. Visioner do Ama ni Panukkunan mendorong kelompok usahai go publik na jolo. Jauh sebelum adong dope pasar modal di Indonesia. Asa transparan, sehat secara struktur finansial, luas hinakkam operasionalna, jala unang gabe pargulutan sogot di pinomparna. Ido alusna molo adong manukkun. Ai dirajumi ibana ndang piga dope kelompok usaha nasional na bertahan sahat tu generasi patoluhon. Dengan kehadiran kelompok pemodal dari luar, terjaga ma antong tata kelola ni Perusahaan i, mengikuti international governance standard and practices alai hut sekaligus dapat mengemban misi nasional dan sosialna.

 

Tubu jala magodang di Siantar do Ama ni Panukkunan, dekat kolam renang Bah Sorma. Alai meniti karier di Jakarta. Boru na dimargahon do nanialapna. Amazingly - boi do nasida berperan ina parbahul bahul na bolon. Napistar mangatup napuran demban. Bisuk mamakke na adong, basar alai ndang panenga tenga. Nang Ngarep mboten ngisin ngisinin, nang mburi mboten ngentek ngentekin. 

 

Dua periode Ama ni Panukkunan sebagai Ketua Marga, jala nuaeng aktif di Partukkoan Adat Na Tur, termasuk dewan penyantun di Paguyuban Adat Nusantara. 

 

Sihol do roha ni Ama ni Panukkunan marhelahon halak Batak, alai ndang pola alergi molo pe halak sileban gabe helana. Parumaenna paidua pe boru Mediterania do. 

 

Boi do diadu si Lastri na di roha ni Amanai. Godang do na marsolo ni roha tu ibana, sian berbagai kalangan, profesi, suku bangso tarmasuk na so marugamo pe. Ndang adong dope na haru hantus hata ni baoa ditiop ibana. Adong do tolu halak batak na sangat antusias agresif softly manjonohi huhut naeng mandabu holong tu si Lastri. 

 

Marsibahen malo dohot nabinotona do si doli natoluon. Termasuk mai mencari nilai plus. Bersaing smart tanpa tebar pesona. Diboto nasida do, sada nilai plus ni baoa di mata ni Ama ni Panukkunan ima molo si dolii luas wawasanna, paradat jala parugamo. Plus ganteng, gaul, inovatif, kekinian alai setia (kriteria ni si Lastri ma on). 

 

Di sada tikki, adong ma syukuran keluarga (ndang pola huingot be judul ni ulaon on). Ro do halahon na tolu, ala semi open house do hajatan i. 

 

Na mambahen tangiang mamuhai ulaon i, ima sada alumni ni Sikkola Tinggi Urusan Banua Ginjang. Kebetulan termasuk do ibana na solo jala larat tu itoan on. 

 

Tarsongonon ma tangiangna :

Ale Tuhan Jahowa Martua Debata, na marhabangsa di banua ginjang. Di ginjang ni langit sipitu lampis, banua si pitu harajaon. Gok hasangapon hamuliaon ma dipasahat jala disombahon rohanami na punguon tu langit habadiaonmi. Asa mangasi jala mangalinggomi ma ho tu keluarga ni amanami Ama ni Panukkunan, tunggane nami si Panukkunan, songoni nang tinodohonna Ama Grace Paniaran, tarlumobi ma tu pariban nami Lastiar Christina Margareth na biasa kami sapa dalam kasih yang murni dengan dek Lastri. 

 

Asi ma roham, songon hata ni si tua tua - pinantikkon hujur ma di topi ni tapian, asa tu dia pe si pariban i mangalakka, tu si ma ibana dapotan parsaulian, alai humolong ma tu dongan sahaporseaon.. nairik, dungo jala sunggul manaringoti Hatam na sun mamolin i. 

 

" Bah… mangait tu ngadol do tangiang ni baeoon", ninna si doli paduahon saingan ni parjamitai bobonosan marbete bete di rohana. 

 

Ditorushon alumni sikkola tinggion muse tangiangnai. 

Jahowa, bona ni hatuaon nami. Ho do na paojak hajang-hajang hot di ingananna. Dang tardodo jala tarasam hagogoonmu. Tar songon pinatorang ni si Steven Hawkings rupani di bukkuna The history of time. Resultan gaya gravitasi big bang yang menembus ruang hampa, dan mendorong equilibirium konstan dinamis pada orbit masing-masing di gugusan bimasakti up to andromeda in our universe system. Tar songoni ma tamondingkon, ramoti jala jamoti rumatangga besar keluarga ni Amanami Datulang Ama ni Panukkunan nauli basa on. 

 

Di pusat kekuasaan do amanami on diutus ho. Gabe sitindangi di antara sekumpulan serigala. Palito na marsinondang di dolok. Alai takkas do huboto hami, na hot ndang mansadi pangondihonmu tu nasida. 

 

Ndang olo amanamion manjalo sisip sian toru ni rere, manuan bulu di lapang lapang ni babi, manang pajolo gogo papudi uhum. Songoni na mangasakkon torop ni partubu, tar songon halak munapikun na mambahen tamasya tamasya na hau hauon di musim Pilkada nuaeng. Ndang na impolan di sere tulang on, manang na silo di pangerbang ni hasianganon. 

 

Ala nii papos jala amudihon ma nasida, laho mananda hahomion dalan ni pasu pasum. Tarlumobi mai di na marsinta jala managam sirokkap ni tondiboru sasada na uli bulung pariban hasoloan i. (Ondol, pakket jala bergetar pandoknai, mengucapkan ..nauli bulung i)

 

Ungkap mata ni partondion nasida. Patongon ma nasida tu jampalan na lomak, tu lambung ni aek hasonangan, soburon mual mata na tio. Asa mananda jala marsihohot nasida di baga bagam. Ai biar mida Jahowa do mula ni nasa ulibasa na mauli utus. Paingot, ai hami naposom professi parjamita partangiang do habaoran ni passur parsaulian. Paojak nasida manghasiholi jala manghasolohon hami na gabe sisolhot nasida, manogi jala manogu boru hasiannai mamiu jala mangaletek pinomat mandukkapi holong na marhadohoan. 

 

"Agay Amang… jengjeng ni doli doli. Ndang fair play. Memanfaatkan kesempatan dan profesi jabatan. Beha do tangiang pamuhai maralit alit jala angkat telor ?" So i nama mohop ni roha ni si doli patoluhon mambege tangiang ni baeo on. 

Ai memang selain Parjamita, sering do baeoon gabe konsultan politik ni akka Paslon, baik Pilkada manang tikki musim mamillit anggota Dewan. Jala targantung pesanan do. Hari ini mendukung Partai A, haduan mendukung partai B. Parjamita pesanan.

 

Dang ra amen dope. Alai hebatna.. ndang bobonosan natorop i tumangihon. Ai agak mendayu dayu songon na mardeklamasi do ibana na martangiangi. Bahkan adong do sian situan natorop i na mangarekam live streaming tu FB nang Linkedin. Biasa do imana mambukka henpon sambil chatting sermon eksegese agia pe di gareja. Alasanna ala adong do tong referensi lengkap ni buku na badia i di googling. Bahkan nunga sipata didok gelar ni na mangarekami ruas ni JEI - Jemaah Elektronik Indonesia. 

Lanjut ma muse tu tangiang ni si doli on. 

 

Na bonar do Ho di bagasan pandohanmu, jala pita di panguhummu. Lambat tarrimas huhut marpamuati di akka pangalaosionnami. Parholong naso marpanihai. Ido nahuida hami takkas mangolu di parruma tanggaon ni keluarga ni tulang nami, na marlas ni roha sadarion. Ai gabe dohot do hami taruli.. tarsongon ni dok ni umpama. Poltak bulan tula si raja manggule, ruas ni huriam do nataruli, laos dohot do hami maulae. 

 

Buha ma roha holong nang di dek Lastri.. asa tumibu dapot sirokkap ni tondina. Rokkapna gabe, rokkap matua. Mawadah, warahmah, sakinah. Ungkap ma bunga ni holong.. asa margorak tu pusu-pusuna, jorot tu tondina. Si doli napajolo holong mengutamakan keluarga. Tar songon si Dom Toretto Vin Diesel na di Fast and Furious i. Takkas diboto ho, ido pilim dohot tokoh na hukagumi. Husippon mai holong na polin i tu sipareon partondionna".

 

Rap batuk mokkolon on ma gogo si doli saingan ni partangiangon. Ai nunga tung giak songon gial ni naguamon marganjang ganjang so marimpola partangiangon ni baeoon.

 

Menyadari hal tersebut, tarmali ma sipalu tangiangi. Diujungi ma.. " Ipe ale Jahowa, tung hurang jojor pe hami patolhas na solot di ate ate, gompang di pusu-pusu nami, takkas tedek do i di jolom, songon indahan dipalastik. Ai ndada songon imbulu na sinuanhon manang holi-holi nilakkophon be hamion, alai naung arga do tinobus ni mudarmu. Sai tuak ma tu abaranami, sahap tu parsambubuan jala dalhop di ampuan nami, sibasa-basami". Pipot ma imana, lupa mandok amen. Gabe didokma - instead - sititi ma sigompa golang-golang pangarahutna, hataon hata tambaan. 

 

Ndang nanggo sumuang dope ibana humosa, pintor disoro si doli napaduahon i ma mick i.. naeng mandok hatana. Alai ditola si doli napatoluhon i do sigop. Sanga do naeng gaor luhutani.  Tuani do disi ahu.(Sampe L Purba)

Komentar
Berita Terkini