Hamoraon ni Hata Batak "Padanan Kata"

Administrator Administrator
Hamoraon ni Hata Batak  "Padanan Kata"
ist
Sampe L Purba
Oleh : Sampe Purba


Aha do hata batak ni internet, hamuna...


Di dok akka na malo ..."bahasa menunjukkan bangsa"


Ndang sude peristiwa, benda manang situasi adong hata lokalna. Boi doi marbonsir, ala so adong di kultur ni penutur kata i sisongoni, manang ala ndang sahat na binoto ni ompuna (na mewariskan hatai), manang ala ni naasing. Godang do pendekatan/ approach dibahen laho pamora hata. Boi mai dengan mengadopsi hata na asing, menyesuaikan tu gaya penutur (lafaz), manang memaksakan alai gabe jalunga. 


Contoh : Fashion, ala ndang apala pamahe mahe na tuit halak Indonesia (ndang i kulturna), ndang adong hata Indonesia nii. Apalagi ma hata batakna. Jadi diadopsi ma gabe fesyen (sesuai tu penyesuaian lafaz ni hata asing na di Indonesiahon). 


Disk. Ala baru dope di abad 20 adong komputer, jadi ndang adong hata Indonesia nii. Dipamora ma hata Indonesia i, gabe disket. Ai rata rata si dua suku kata do gumodang hata Indonesia.


Alai adong do na malobihu pajago-jagohon. Asa songon na hebat, diterjemahkan ma disk gabe cakram, ala mirip ninna. Nuaeng on, ndang piga be disket. USB mene. Pinaima ma aha hata Indonesiana. Manang na gabe uesbe do. Tarsongon LPG, gabe elpiji. Ma-gang gabe me-jeng, kangen gabe ken-jen. 


Di masa Orde Baru, asing muse dope. Sai diusahahon do mangalului hata jawi manang hata sansekerta kuno. Asa songon na hebat jala nasionalis. Efisien dan efektif, diterjemahon gabe sangkil dan mangkus. Aha muse ma on ?. Mangkus ? Sai pinikkir mokkus. 


Na lebih fatal dope, mouse, ima sipangguit huruf na tu layar ni komputer i, dibahen muse ma hata Indonesiana tetikus (akka bagudung). Ai mouse ima bentuk ganda/ plural ni mice = bagudung. Nda nunga marambalangan, molo dihatabatakhon. 


Isarana, naeng manuhor mangganti batere ni mouse ma. "O ito si boru nauli partokko, dia hamu jolo batere nametmet i, ai nunga gale-gale bagudunghu bah". 

Nda, nunga marambalangan


Ianggo halak Malaysia, bijak do. Diadopsi do hata Inggeris i. Ndang dipaksahon ikkon luluanna sian hata melayu kuno.


Tarsongon i ma hamuna. Unang loja hamu mangalului manang menciptakan hata batak ni YATIM manang PIATU. Boasa ?. Ai ndang adong na matean ama halak Batak. Molo mate ama, anak siakkangan do gabe berfungsi ama. Ndang adong halak Batak na yatim piatu. Akka partubu sisolhotna do na gabe ama manang ina di dakdanak na sopot so marama so marina.


Ido hamoraon,  panghakkam ni adat, ugari nang budaya Batakta nauli i.


Jei,  unang pola loja mangalului hata Indonesia manang hata batak ni CoVid. Cukkupma menyesuaikan tu lafaz bahasa Indonesia, kopit.  Hata batakna boi ma ... koppit sampulusia


Nda i do, akka Amang/ Inang/ Appara Sidoli/ sobat ambyar ?


Horas, boti ma

Komentar
Berita Terkini